បច្ចេកទេ​ស​ដាំដុះ និង ការជ្រើស​រើសពូជ​ម្ទេស​ហាវ៉ៃ

បច្ចេកទេ​ស​ដាំដុះ និង ការជ្រើស​រើសពូជ​ម្ទេស​ហាវ៉ៃ

ថ្ងៃអាទិត្យ ទី31 កក្កដា ឆ្នាំ2011 ម៉ោង02:44 សំបូរ

ជាទូទៅ​ម្ទេសហាវ៉ៃ ជាដំណាំ​ដែលមាន​អាយុកាល​លូតលាស់វែង ហើយក៏ជា​ប្រភេទ​ដំណាំ​ដែល​ឆាប់ទទួលរង​នូវកត្តា​ចង្រៃផ្សេងៗ​ពីធម្មជាតិ ដូចជាជម្ងឺ សត្វល្អិត និងបំរែបំរួល​អាកាសធាតុ។ គោលបំណង​យ៉ាងសំខាន់​នៃការជ្រើស​រើសពូជ គឺការយល់​ដឹងអោយ​បាន​ច្បាស់​ពីប្រភព​របស់ពូជ ព្រោះពូជមាន​ពីរប្រភេទ:

·         ប្រភេទ​ពូជលូតលាស់​តំបន់ត្រជាក់​វាលូតលាស់បាន​ក្នុងលក្ខណ្ឌ​អាកាសធាតុ​ត្រជាក់ ពូជ​នេះ​ច្រើនមក​ពីទ្វីបអឺរ៉ុប ដូចជា បារាំង សហរដ្ឋអាមេរិក ហូឡង់ កាណាដា ហើយភាគ​ច្រើន​ជាប្រភេទ​ពូជធ្ងន់។

·         ប្រភេទ​ពូជលូតលាស់​ក្នុងតំបន់​ក្តៅមធ្យម វាលូតលាស់​បាន​ក្នុង​លក្ខណ្ឌ​អាកាសធាតុ​ក្តៅ​ ពូជ​នេះភាគ​ច្រើនមក​ពីប្រទេសចិន ជប៉ុន កូរ៉េ។ ពូជដែល​សមស្រប​សំរាប់​ធ្វើការដាំដុះ គឺ​ជាពូជ​ដែលបន្សាំល្អ​ទៅនិង​លក្ខខណ្ឌ​តំបន់ ធន់ទ្រាំជម្ងឺ សត្វល្អិត ទទួល​ទិន្នផល​ខ្ពស់​សមស្រប​ទៅនិង​ទីផ្សារ។ មានពូជ​ជាច្រើន​ដែលដាំដុះ​បានក្នុង​លក្ខណ្ឌ​នៃប្រទេសកម្ពុជា​ដូចជា:

1.     មកពីក្រុមហ៊ុន Royal Sluis នៃប្រទេស​ហូឡង់ឈ្មោះពូជ Sirono F, Culunet F, Pueblo F

2.     មកពីក្រុមហ៊ុន Hung Nong Seed នៃប្រទេសកូរ៉េ​ខាងត្បូងឈ្មោះពូជ Oriental Glory F, Hung Nong ACE F

3.     មកពីក្រុមហ៊ុន Known-you Seed នៃប្រទេស​តៃវ៉ាន់​ឈ្មោះពូជ 412 Beauty Bell F ដែលធន់ទ្រាំ​ទៅនិង​ជំងឺ Tobaco Monder Virus

4.     មកពីក្រុមហ៊ុន Takii Seed នៃប្រទេស​ជប៉ុន​ឈ្មោះពូជ Wonder Bell F និង ពូជមក​ពីអាមេរិក​ឈ្មោះ California Wonder

5.     មកពីក្រុមហ៊ុន Chai Tai នៃប្រទេសថៃ​ដែលកំពុងលក់ក្នុង​ទីផ្សារកម្ពុជា​ច្រើនជាងគេ ពូជ​នេះល្អ​ជាមធ្យម គ្រាប់វាមាន​តំលៃថោក​ជាងពូជនានា។

ដកស្រង់ពីសៀវភៅ "ម្ទេសហាវ៉ៃ" របស់នាយកដ្ឋានផ្សព្វផ្សាយកសិកម្ម នៃក្រសួងកសិកម្ម រុក្ខាប្រមាញ់ និង នេសាទ។ គំរោងឥណទានកម្មវិធី ធនាគារ អភិវឌ្ឍន៍អាស៊ី

លក្ខណ្ឌដី និង អាកាសធាតុ​សំរាប់​ដាំម្ទេស​ហាវ៉ៃ

ថ្ងៃអាទិត្យ ទី31 កក្កដា ឆ្នាំ2011 ម៉ោង02:41 សំបូរ

 
ម្ទេសហាវ៉ៃ ជាប្រភេទ​ដំណាំ​ដែលអាច​ដុះលូតលាស់​បានល្អ​លើដី​ឥដ្ឋស្រាល ដែល​សំបូរ​ទៅដោយ​សារធាតុ​ចិញ្ចឹម​គ្រប់មុខ​ជាពិសេស​គឺជាតិ​កំបោរ ជ្រាប​ទឹក​រហ័ស ព្រម​ទាំង​សំបូរ​ទៅដោយ​សារធាតុខនិជ។

ប្រភេទដី​ល្បាយខ្សាច់ ដំណាំ​តែងលូតលាស់ និង ចាក់ឬស​បានជ្រៅ ប៉ុន្តែការ​ផ្គត់ផ្គង់ទឹក និង ជីទៅតាម​វិធីសាស្ត្រ​ណែនាំ​ត្រឹមត្រូវ ម្ទេស​ទទួល​បាន​ទិន្នផលខ្ពស់។ នៅលើ​ប្រភេទ​ដីខ្មៅ​ហើយ​ស្អិតជា​មធ្យម​នៅរដូវ​ភ្លៀង ត្រូវ​មាន​ប្រពន្ធ័​ប្រឡាយ​បញ្ចេញ​ទឹក។ ប្រភេទដី​អាស៊ីដ និងដីបាស មិន​សមស្រប​សំរាប់​ការដាំដុះ​ម្ទេស​ឡើយ។ ការកង្វះ​សំណើម​ដីមិន​ទាក់ទង​ទៅនឹង ការចេញ​ក្តឹមឡើយ ប៉ុន្តែ​ទាក់ទង​ទៅនិង​ការជ្រុះ​នៃក្តឹប​ច្រើន។ កាលណា​សំណើម​ដីពី៥៥.៦ ទៅ ៥៧.៤% ធ្វើអោយ ២០ ទៅ ៣០% នៃក្តឹបជ្រុះ។ ជាទូទៅ​ម្ទេស​ហាវ៉ៃ អាច​លូតលាស់​លើប្រភេទ​ដីស្ទើរ​គ្រប់​ប្រភេទដី ក្នុង​ករណី​ប្រភេទ​​ដីឥដ្ឋ​ធម្មតា ត្រូវ​មាន​ប្រពន្ធ័​ប្រឡាយ​រំដោះ​ទឹក​ត្រឹមត្រូវ​ព្រមទាំង​មានការ​ជ្រើសរើស​ពូជ​​អោយបាន​ល្អ។ វាអាចធ​ន់ទ្រាំ​ទៅលើកំរិត​អាស៊ីដ​ខ្សោយនៃដី និង ប្រភេទ ដីល្បាយ​ខ្សាច់​​ដែលមាន pH 6-6.5 ប៉ុន្តែ​ត្រូវ​បន្ថែម​សារធាតុ​សរីរាង្គ បន្ថយភាព​ស្អិត និងងាយស្រួល​រក្សា​​សំណើម។

ដំណាំ​ម្ទេសហាវ៉ៃ​អាចលូតលាស់​បានក្នុង​លក្ខណ្ឌ​អាកាសធាតុ​ក្តៅ និងត្រជាក់ សីតុណ្ហភាព​ចន្លោះពី 20-25 អង់ស្សាសេ ក្នុងអត្រា​សំណើម​បរិយាកាស​មធ្យមធ្វើ​អោយផ្លែ​ម្ទេស​ទុំក្រហម ព្រមទាំង​មានក្លិនឆួល​ខ្លាំង។


ដកស្រង់ពីសៀវភៅ "ម្ទេសហាវ៉ៃ" របស់នាយកដ្ឋានផ្សព្វផ្សាយកសិកម្ម នៃក្រសួងកសិកម្ម រុក្ខាប្រមាញ់ និង នេសាទ។ គំរោងឥណទានកម្មវិធី ធនាគារ អភិវឌ្ឍន៍អាស៊ី